😴 Es hot mr träumt -- 1921 / 2021

Autumn

----------






Für alle, die des Schwäbischen (halbwegs) mächtig sind  🙂

---------

Neulich fiel mir ein Zeitungsausschnitt in die Hand.
Ein Gedicht, das ich mir vor Jahren mal ausgeschnitten hatte.
Der schwäbische Dichter Otto Keller veröffentlichte es 1921
in seinem Buch "Grillabatscher".
Halt mal 🤔  - das ist ja genau 100 Jahre her?!

Also anlässlich des 100. Jahres der Veröffentlichung tippe ich es für euch ab,
in der Hoffnung, dass es Viele lesen können. 🙂
Im Netz habe ich es nicht gefunden.

Obwohl ein Jahrhundert her, könnte es genauso gut dieses Jahr geschrieben worden sein.

----------

Es hot mr träumt

Es hot mr träumt, ´s sei wieder wia vor Zeita,
wo koiner hot an Kriag ond Not bloß denkt,
es hot mr träumt, ´s sei aus mit ´m Zank ond Schtreita,
dr Herrgott häb ons ew´ga Frieda g´schenkt.

D´Sonn tät für älle Menschakender scheina,
ond au dr Ärmschte hätt sei täglich Brot,
ond koiner braucht meah Träna z´greina,
ond kois wiß meah von Sorga, Loid ond Not.

Es hot mr träumt,´sei a Messias komma,
der häb von älle Menscha über Nacht,
da Hass, da Neid ond älle Falschheit gnomma,
ond häb de ärgschte Feind zu Brüader g´macht.

Es hättet älle Völker sich verschtanda,
ond was ons trennt hot, sei vergessa g´wä,
Vergebong sei auf älle G´sichter g´schtanda,
ond jedes hätt em andra d´Hand drauf gä.

So hot´s mr´s träumt, so lichte sel´ge Schtonda,
han i em Traum verlebt en seller Nacht,
doch wia han aber d´Wirklichkeit i g´fonda,
do ben i wieder aus ´m Schlof aufg´wacht.

Schtatt Liabe, Hass ond schtatt ewga Frieda,
isch Neid ond Zwietracht en dr Welt,
ond koiner woiß, was ons no älls beschieda,
koi Lichtstrahl ´s graue Donkel ons erhellt.

Wann endlich, wann wird ons dr Retter komma,
der ons aus Nacht ond Nebel führt zom Licht?
Wird onser Mahnruf zeitig no vernomma,
bevor mit ons d´ganz Welt voll z´sammabricht.

Mit Kampf ond Schtreit ka nia meah Frieda werda,
doch lässt ons d´Welt zum Schaffa Licht ond Raum,
na wird zur Wohret: "Friede sei auf Erda",
dr Menschheit alter schöaner Traum.

-------✨-------